24 октябрь башҡорт телен үҫтереүгә йүнәлтелгән проекттар өсөн грант конкурсының эксперт комиссияһы ултырышы уҙҙы. Икенсе этапҡа 87 эш араһынан 11 проект һайлап алынды. Уларҙың авторҙары менән бәйләнешкә сығып, проекттарын яҡлауға саҡырырбыҙ.

 II этапҡа үтеүселәр исемлеге:
1. Галлямова Д.М. Музыкально-развлекательная игра “Йыр Алыш”;
2. Дильмухаметова Л.Г. Экосумки с башкирскими поговорками и выражениями;
3. Саньярова Р.Р. Серия раскрасок по гражданско-патриотическому воспитанию детей дошкольного возраста “Батырҙар иле- Башҡортостан” на башкирском, русском, английском языках;
4. Сисанбаев А.Ф. «Вся правда о медведях»;
5. Тагирова А.Г. Выездной театр “Тирмәкәй”;
6. Утябаев И.Р. Звуковой пазл “Әкиәт”;
7. Хайбуллин А.Р. Модернизация мобильного приложения “Салям”;
8. Хайруллина А.Р. Разработка геймифицированного чат-бота Folk Game для изучения башкирского фольклора;
9. Хамматов Ш.З. Видеролики «Телбиҫтәһе»;
10. Шакиров И.А. Наполнение коллекции примеров словоупотреблений башкирского языка;
11. Ягудина Д.С. Уличная акция «Мин беләм».

Барлыҡ ҡатнашыусыларға ла ҙур рәхмәтебеҙҙе белдерәбеҙ!

#БашФонд#БашкортТеле

 Уйынға саҡырабыҙ!
2 ноябрь, 19:00 сәғәттә Nesterov Plaza отеленең «Ғафури» конференц-залында башҡорт батырҙарының тормош юлын белеү кимәлен тикшереп ҡарай алаһығыҙ!

Уйында 7 кешенән торған 10 команда ҡатнаша ала. Беҙҙең тарафтан күңелле уйын һәм шәп тәьҫораттар вәғәҙә итәбеҙ!

Теркәлеү өсөн һылтанма: https://forms.gle/c4nmpmZknKq9A3TA9

Сараны ойоштороусылар булып Башҡорт телен һаҡлау һәм үҫтереү ойошмаһы, Башҡортостандың йәш яҡташтар ассоциацияһы һәм «УМАЙ» этномәҙәни мираҫты һаҡлау һәм үҫтереү буйынса ойошма сығыш яһай.

Проект Башҡортостан Республикаһының Граждандар йәмғиәтенә булышлыҡ итеү фонды ярҙамында тормошҡа ашырыла.

Килегеҙ! Көтөп ҡалабыҙ!

#Башкортостан#БашФонд#ФСГОРБ#ГрантыРБ

BashkortSoft сайты https://bashkortsoft.ru/ әлеге ваҡытта эшләмәй!

Сайттың эсендә 2023 йылдың 1 декабренә тиклем техник эштәр күҙҙаллана, был тәржемәсенең артабан да эшләй алыуы өсөн мөһим баҫҡыс. Аңлауығыҙ өсөн ҙур рәхмәт!

#БашкортСофт #Башкортостан #БашФонд #ФСГОРБ

Башҡорт телен үҫтереүгә йүнәлтелгән проекттар өсөн грант конкурсының беренсе этабына үткән эштәрҙең исемлеген баҫтырабыҙ.

Киләһе этапҡа ошо 87 эш араһынан баһалама критерийҙары буйынса 15 проект һайланып алынасаҡ. Уларҙың авторҙары эксперт комиссияһы ағзалары алдында үҙ проекттарын яҡлауға саҡырыласаҡ.

Иҫегеҙгә төшөрәбеҙ, конкурсҡа барыһы 121 проект килде. Улар араһынан 34 эш конкурстан төшөп ҡалды. Конкурс положенияһында ентекле аңлатып яҙылһа ла, күптәр заявкаларын дөрөҫ тултырмаған: Word вариантта, ҡултамғаһыҙ, күптән эшләнеп килгән проекттар ҙа ебәрелгән һәм башҡалар. Ундай проект авторҙарына сәбәбен аңлатып электрон почталары аша яуап яҙылды.

Исемлек: https://vk.com/bash_fond?w=wall-182678571_5701

#БашФонд#Башкортостан

11-15 октябрҙә Башҡорт теленән олимпиадала ҡатнашырға саҡырабыҙ

11-15 октябрҙә Башҡорт телен һаҡлау һәм үҫтереү ойошмаһы һәм «УМАЙ» этномәҙәни мираҫты һаҡлау һәм үҫтереү буйынса ойошма башҡорт теле буйынса олимпиада үткәрә. Был проект Башҡортостан Республикаһының Граждандар йәмғиәтенә булышлыҡ итеү фонды ярҙамында тормошҡа ашырыла.

Олимпиадала ҡатнашыусылар өсөн төрлө ҡатмарлыҡтағы һорауҙар менән онлайн-тест формаһында эштәр әҙерләнгән:
1. Башланғыс кимәл — башҡорт телен яңы өйрәнә башлаған ҡатнашыусылар өсөн;
2. Ирекле кимәл — башҡорт телендә иркен аралашҡан ҡатнашыусылар өсөн;
3. Башҡорт теле диалекттары менән ҡыҙыҡһынған ҡатнашыусылар өсөн диалекттар темаһына һорауҙар.

Олимпиаданың сайты: http://basholimpiada.ru/

#Башкортостан#БашФонд#ФСГОРБ#ГрантыРБ

Проекты, направленные на развитие башкирского языка, могут претендовать на получение материальной помощи в размере до 200 000 рублей.

Организация по сохранению и развитию башкирского языка готова обеспечить материальную поддержку проектов, посвященных популяризации нашего языка.

Конкурс проводится в целях:
— поддержки гражданских инициатив и финансового обеспечения проектов, направленных на популяризацию башкирского языка;
— вовлечения населения Республики Башкортостан в творческую деятельность и социальное проектирование, а также повышения гражданской активности и раскрытия потенциала.

Участниками конкурса могут стать физические лица — граждане Российской Федерации, в возрасте от 18 лет, проживающие на территории Республики Башкортостан. Проекты, подаваемые на конкурс должны быть популяризирующий башкирский язык, культуру, историю и современность башкирского народа.

Направления проектов:
— молодежные медиа;
— IT;
— образование;
— культура;
— наука.

Прием и регистрация заявок на Конкурс осуществляется с 1 по 30 сентября 2023 года по электронному адресу proektnagrant2023@mail.ru с указанием темы «ПРОЕКТ НА ГРАНТ».

Подробная информация в положении конкурса.

Уҡытыусыларға ижади дәрт, уйланылған ҡарарҙар һәм эш кәйефе, ә уҡыусыларға һәм студенттарға белем алыуҙа ныҡышмалылыҡ, яңы уҡыу йылында ҡыҙыҡлы һәм тулы тормош теләйбеҙ!

#Башкортостан#БашФонд

Белеүегеҙсә, БАШҠОРТ ТЕЛЕН ҺАҠЛАУ ҺӘМ ҮҪТЕРЕҮ ОЙОШМАҺЫНЫҢ «Башҡорт теле: яңы ҡараш 2.0» проекты Республика Башлығы гранты ярҙамында тормошҡа ашырылды.

Китапты республиканың райондары буйлап таратыу ҡаралған. Шулай уҡ, уларҙы Башҡорт телен һаҡлау һәм үҫтереү фондынан килеп алыу мөмкинлеге бар:

Өфө ҡалаһы, Цюрупы урамы, 17 йорт
6 ҡат, 603 кабинеттан килеп алырға була.

Алдан шылтыратыуығыҙ һорала!
Телефон һандары: +7 (3472) 46-58-24

#Башкортостан#БашФонд#ФСГОРБ#ГрантыРБ

БАШҠОРТ ТЕЛЕНӘН ХАЛЫҠ-АРА ДИКТАНТ

20 апрель «Башҡорт теленән халыҡ-ара диктант – 2023» акцияһы үткәрелә! Сара онлайн һәм оффлайн форматта уҙғарыла. Акцияла ҡатнашырға теләүселәр өсөн Өфө фән һәм технологиялар университетында, М.Аҡмулла исемендәге Башҡорт дәүләт педагогия университетында, Башҡортостан Республикаһының Мәғарифты үҫтереү институтында һәм Башҡортостандың Милли музейында майҙансыҡтар ойошторола.

2023 йылдың 20 апрель көнө 11:00 сәғ. (Өфө ваҡыты) тура эфирҙа «Башҡортостан юлдаш телевидениеһы» телеканалында, «Бәйләнештә» социаль селтәрендә, телеграм-каналда диктаторҙар диктант тексын тура эфирҙа уҡый башлай:
 11.00 сәғәттән 11.25 сәғәткә тиклем – башҡорт телен башланғыс кимәлдә белеүселәр диктант яҙа;
11.30 сәғәттән 12.00 сәғәткә тиклем – башҡорт телендә иркен аралашыусылар диктант яҙа;
 12.05 сәғәттән 12.30 сәғәткә тиклем – башҡорт теленең төньяҡ-көнбайыш диалектында диктант яҙа.

Һәр ҡатнашыусының диктантты өйҙә үҙ аллы яҙыу мөмкинлеге бар. Тамамланғас, диктант яҙылған ҡағыҙҙы фотоға төшөрөп, электрон почтаға Bashdiktant2023@mail.ru йәки телеграмма-ботҡа https://t.me/bash_dictant_bot 2023 йылдың 23 апреле 23:59 сәғәткә тиклем ебәрергә кәрәк.

Диктантта ҡатнашыусыларға сертификаттар электрон почтаға йә телеграм-боттан ебәреләсәк.

Акция ҡатнашыусыһы булып енесенә, расаһына, милләтенә, теленә, сығышына, матди һәм вазифа хәленә, йәшәгән урынына, дингә мөнәсәбәтенә, инаныуҙарына, йәмәғәт берекмәләренә инеү-инмәүенә, шулай уҡ башҡа хәлдәргә ҡарамаҫтан һәр кеше ҡатнаша ала.

Акцияның рәсми һөҙөмтәләре 30 көн арауығында https://bashdictant.ru/ сайтында баҫтырылып сығасаҡ.

#башҡорттелендәдиктант#башдиктант#башдиктант2023
#диктантпобашкирскомуязыку#башҡортсадиктантяҙам#Башкортостан#БашФонд

БАШҠОРТ ӘҘӘБИӘТЕ БУЙЫНСА КВИЗ-УЙЫН

30 март 17:00 сәғәттә Рәми Ғарипов исемендәге башҡорт гимназия-интернаты базаһында башҡорт телендә Квиз үтте.

Сараны ойоштороусылар булып Башҡорт телен һаҡлау һәм үҫтереү фонды, Башҡортостандың йәш яҡташтар ассоциацияһы һәм республиканың «Тыуған яҡты өйрәнеүселәр йәмғиәте» сығыш яһаны.
Квиз-уйын Башҡортостан Республикаһы Башлығы гранты иҫәбенә тормошҡа ашырыла.

Был уйын Башҡорт әҙәбиәтенә арналды һәм үҙ эсенә төрлө һорауҙырҙы алды: викторина, картиналар һәм музыкаль викторина. Ҡатнашыусы командалар беренсе раундта һәр дөрөҫ яуап өсөн 1, икенсе раундта һәр дөрөҫ яуап өсөн 2 һәм өсөнсө раундта һәр дөрөҫ яуап өсөн 3 балл йыйҙы.

Раундтар араһындағы тәнәфестә Рәми Ғариповтың тормошо һәм ижады тураһындағы сайттың презентацияһы уҙҙы. Ул Башҡорт телен һаҡлау һәм үҫтереү фонды, Башҡортостан Республикаһының «Тыуған яҡты өйрәнеүселәр йәмғиәте» төбәк йәмәғәт ойошмаһы, Рәми Ғариповтың Гөлнара һәм Азамат Ғариповтарҙың балалары ярҙамында Башҡортостан Республикаһы Башлығы гранты иҫәбенә ғәмәлгә ашырылды.

Уйынға Өфө ҡалаһының мәктәптәренән уҡытыусылар командалары йыйылды.

Һөҙөмтәлә киләһе командалар еңеүсе булды: Өфө ҡалаһы мәктәптәренең йыйылма «Ете ҡыҙ» командаһы — 1-се урын, «Беренселәр» командаһы 2-се урын һәм Ҡ. Дәүләткилдиев исемендәге республика һынлы сәнғәт интернат-гимназияһынан «Рәссамдар» командаһы — 3-сө урын. Һәр команда еңеүсе кубогын алды, ә һәр ҡатнашыусы — махсус рәүештә ошо уйын өсөн әҙерләнгән йәбештергес башҡорт стикерҙары.

Саранан фотолар: https://vk.com/album-182678571_292462199

#БашФонд#БашҡортТеле#МиллиМузей