2019 йылдан алып Башҡорт телен һаҡлау һәм үҫтереү ойошмаһы телде үҫтереү һәм популярлаштырыу юҫығында бихисап эштәр алып бара. Аҙаҡҡы биш йыллыҡта ойошма ҡала, республика кимәлендә генә түгел, бөтә ил һәм халыҡ-ара кимәлдә саралар үткәрә.

Һеҙ барығыҙ ҙа белгән, ҡатнашҡан Башҡорт теленән диктант яҙыу акцияһы 2019 йылдан алып халыҡ-ара кимәлгә күтәрелеп, йыл һайын үткәрелгән матур ғаилә байрамына әүерелде. Оффлайн майҙансыҡтарҙа милли кейем менән килеп, аралашып, рух йыйып ҡайтыу күптәр өсөн көтөп алған сара.

2023 йылда онлайн форматта халыҡ-ара кимәлдә Башҡорт теленән олимпиада https://basholimpiada.ru/ru/ үткәрелде. Сарала 67 Рәсәй регионы, 23 төрлө ил вәкилдәре ҡатнашты. Биш көн дауамында барған сарала барлығы 27 614 кеше: башланғыс кимәлдә 17 557, иркен аралашыусылар кимәлендә 8 843, башҡорт теленең диалекттары кимәлендә 1 214 кеше белемен тикшерҙе.

Ойошма тарафынан телде үҫтереү ысулдары офлайн саралар үткәреүҙә генә түгел, ә цифрлаштырыу юҫығында ла алып барыла. Быға https://bashkortsoft.ru/ , https://app.bashkorttele.ru/ , https://ramigaripov.ru/ сайттары асыҡ дәлил. Йәштәрҙе телде, тарихты, мәҙәниәтте өйрәнеүгә йәлеп итеү өсөн тағы ла бер ысул форматында ойошма тарафынан квиз уйындары үткәрелә. Улар башҡорт әҙәбиәте, мәҙәниәте, батырҙар тормошо, республика тарихы, эпостарға арнала. Бер уйында 100 кешегә тиклем ҡатнашып, үҙ белемен тикшерә ала.

Башҡорт телен өйрәнергә теләүселәр өсөн дөрөҫ ғаризалар тултырыу өсөн «Эшлекле башҡорт теле», телде өйрәнеү өсөн «Яңы ҡараш», балалар баҡсаһы өсөн «Әкиәттә ҡунаҡта» уҡыу әсбаптары баҫылды. Телевидение һәм интернет-медиа өсөн «Бергә башҡортса» «Башҡорт теленә яңы ҡараш» сюжетлы сериалдар төшөрөлдө. Ике сериал бер-береһенә бәйле, беренсеһе олораҡ аудитория өсөн булһа, икенсе сериал үҫмерҙәргә тәғәйенләнгән.

Шиғриәтте популярлаштырған төбәк-ара «Минең Рәми» конкурсы 2022 йылда бер-нисә ай дауамында үткәрелеп, шағирҙың ижадына күп иғтибар йәлеп иттерҙе. Ә эске туризмды күтәргән «Блог-тур» блогерҙар проекты Башҡортостандың матурлығын күрһәтеп кенә ҡалманы, шулай уҡ милли баҫмаларҙа ла ҙур сағылыш тапты.

Әлеге ваҡытта ойошма тарафынан һәр теләүсегә телде үҫтереүгә үҙ өлөшөн индереү мөмкинлеге бирелде: теләгән кеше үҙ идеяһын проект итеп яҙып, финанс яҡтан ярҙам алыу мөмкинлеген алды. Барлыҡ эштәр араһынан эксперт комиссияһы икенсе этапҡа 87 эш араһынан 11 проект һайлап алды. Еңеүселәрҙе бүләкләү 14 декабрь үтә.

Һыҙыҡ өҫтөнә алып үтергә кәрәк — ошо барлыҡ бихисап эштәр республика башлығы Радий Хабиров Фәрит улы ярҙамлығында тормошҡа ашырыла һәм телде һаҡлауға, үҫтереүгә ҙур өлөш индерә.

Быйыл 8 тапҡыр уҙарылған сара яңы формат һәм яңы йүнәлештәр менән байытылды. Форумдың беренсе көнөндә лекциялар ике йүнәлешкә бүленеп уҙғарылды. “Һомай”ҙа ҡыҙҙар өсөн, ә “Урал” майҙансығында егеттәр өсөн белгестәр һаулыҡ һәм психология тураһында сығыш яһаны. Шулай уҡ ҡатнашыусылар башҡорт халҡының тарихы, мәҙәниәте, йолалары менән яҡындан таныша алды. Йәштәргә милли кәсептәр, халыҡ уйындары, йәйәнән уҡ атыу буйынса оҫталыҡ дәрестәре ойошторолдо. Форумдың икенсе көнө команда эшен ойоштороу, финанс грамоталығы һәм карьера үҫеше темаларына арналды.

“Урал мираҫы” проектын Башҡортостандың йәш яҡташтар берлеге ассоциацияһы Башҡорт телен һаҡлау һәм үҫтереү ойошмаһы ярҙамында тормошҡа ашыра.

#Башкортостан#БашФонд

Унда Ғафури районының 10 мәктәбенән командалар ҡатнашты: Мағаш тауы, Кейекбай тоҡомдары, Башҡортостан йөрәге (Имәндәш), Ҡауарҙылар, Патриоттар, Башҡорттар, Мәжитовсылар, Аҡбуҙат, Ватан, Дуҫлыҡ. Уҡыусылар Рәми Ғариповтың тормош юлы һәм ижады буйынса һорауҙарға яуап бирҙе. Иң күп балл йыйып, еңеү яулаусы командалар:
I — Кейекбай тоҡомдары (Сәйетбаба урта мәктәбе)
II — Мәжитовсылар (Н. Мәжитов исемендәге Красноусол башҡорт гимназия-интернаты)
III — Патриоттар (Красоусол ауылының 3-сө мәктәбе)

Еңеүселәрҙе тәбрикләйбеҙ! Барлыҡ командаларға ла әүҙемлектәре өсөн ҙур рәхмәтебеҙҙе белдерәбеҙ!

#Башкортостан#БашФонд

Өфө ҡалаһында 10 йыйылма команда Башҡортостан тарихына арналған квиз-уйында осрашты:

1 урын — «Һалдаусылар» йыйылма командаһы;
2 урын — «Алтын-Мәргән» командаһы;
3 урын — «Бөрйәндәр (Мәсем)» командаһы.

Еңеүселәрҙе ҡотлайбыҙ!

 Проект Башҡортостан Республикаһының Граждандар йәмғиәтенә булышлыҡ итеү фонды ярҙамында тормошҡа ашырыла.

#Башкортостан#БашФонд#ФСГОРБ#ГрантыРБ

Сараның маҡсаты – дәүләт милли сәйәсәтен тормошҡа ашырыуҙың көнүҙәк мәсьәләләрен һәм проблемаларын тикшереү, власть органдары һәм мәғариф системаһы вәкилдәре, ғилми йәмәғәтселек, киң мәғлүмәт саралары, йәмәғәт ойошмалары, уҡыусылар һәм башҡа ҡыҙыҡһынған кешеләр өсөн тәжрибә һәм белем уртаҡлашыу майҙансығы ойоштороу.

Сарала Башҡорт телен һаҡлау һәм үҫтереү ойошмаһы ла ҡатнашты. Форум ҡунаҡтары һәм ҡатнашыусылары ошойманың күләмле проекттары менән таныша ала.

#БашФонд#БашкортТеле

Кисә Өфөлә 10 йыйылма команда башҡорт батырҙары тормошон ни хәтле яҡшы белеүен тикшерҙе. Уйын булғас, еңеүселәр ҙә бар:

1 урын — «Байбисәләр» йыйылма командаһы;
2 урын — «Һалтаусылар», «Баш ҡала мәғрифәтселәре», «Аманат» командалары;
3 урын — «Аҡмулла», «Сәләм» командалары.

Ҡотлайбыҙ! Һәм үҙ белемен тикшереп ҡарарға теләүселәрҙе 8 ноябрь киләһе уйынға саҡырабыҙ. Ул «Башҡортостан тарихы» темаһына арнала.

Проект Башҡортостан Республикаһының Граждандар йәмғиәтенә булышлыҡ итеү фонды ярҙамында тормошҡа ашырыла.

#Башкортостан#БашФонд#ФСГОРБ#ГрантыРБ

Икенсе турға һайлап алынған 11 дәғүәсе эксперт комиссияһы алдында үҙ эштәрен яҡланы. Грантҡа лайыҡ булыусыларҙың исемлеген баҫтырабыҙ.
Бүләкләү тантанаһы 14 декабрь — Башҡорт теле көнөндә уҙасаҡ.

#БашФонд #БашҡортТеле