УФТАНМА: Халыҡ-ара балаларҙы яҡлау көнө

 1 июнь Арт-квадраттың “Сквер” майҙансығында Милли йәштәр театры актерҙары менән берлектә кескәй дуҫтарыбыҙға әҙерләнгән байрамда “Нух кәмәһе” спектакле ҡуйылды. Ул Антарктидала йәшәгән өс пингвиндың тормошо һәм мажаралары хаҡында бәйән итте.

Спектаклгә тиклем, йыйылған балалар менән Ләйсән Бауырһаҡ апай Мәзитова кескәй генә Һабантуй уйындары үткәрҙе. Барлыҡ тамашасыларға ла рәхмәтебеҙҙе белдерәбеҙ!
Ҡәнәғәт ҡалғанһығыҙҙыр, тигән өмөттә, киләһе осрашыуҙы көтөп ҡалабыҙ!

Фотолар: https://vk.com/album-182678571_284687713

#БашФонд#Башкортостан#Уфтанма#нмт#молодежка

Bashkortsoft сайтында техник эштәр бара

Дуҫтар! Bashkortsoft сайтында техник эштәр бара

Кисә, бөгөн Bashkortsoft https://bashkortsoft.ru/ башҡортсанан русса, руссанан башҡортсаға ҙур күләмле текстар тәржемә үтеү сайтында техник эштәр бара. Шул сәбәпле сайтҡа инеү, тәржемә итеү мөмкин түгел.

 Ҡаршылыҡтар өсөн ғәфү үтенәбеҙ!

#БашФонд#Башкортостан#РодныеЯзыки#Башҡорттар

ИТОГИ МЕЖДУНАРОДНОГО ДИКТАНТА ПО БАШКИРСКОМУ ЯЗЫКУ

В написании Международного диктанта по башкирскому языку приняли участие все районы и города нашей республики, многие регионы России и разные страны по всему миру. Принимались работы и от соотечественников, проживающих за рубежом.

Всего диктант писали 334 523 человека. Из них на начальном уровне писали 125 179, на уровне свободного общения — 140 019 и на северо-западном диалекте — 69 325 человек. Для сравнения статистка 2021 года: на начальном уровне писали 159 510 человек, на уровне свободного общения — 106 794 и на северо-западном диалекте — 55 478.

“Международный диктант по башкирскому языку из года в год становится все масштабнее, интереснее и сплоченнее. Особо праздничный тон задал участие в акции Главы Республики Радия Хабирова. Приятно, что в этом году была возможность писать диктант сообща, собираясь в офлайн-площадках. По мне, это очень добрая традиция. Лично я третий раз писал диктант на северо-западном диалекте. Очень радует, что в этом году были разработаны специальные языковые нормы и для нашего диалекта. Хочу поблагодарить Всемирный курултай башкир, которые привлекли для этого известных ученых, лингвистов и представителей разных районов, где говорят на северо-западном диалекте башкирского языка, ” – прокомментировал Альберт Исмаил, главный специалист Туймазинского башкирского историко-культурного центра.

Из регионов России были представлены города Москва, Санкт-Петербург, Екатеринбург, Сочи, Челябинская, Оренбургская, Московская, Саратовская, Самарская, Курганская, Свердловская, Мурманская области, Ханты-Мансийский автономный округ, Ямало-Ненецкий автономный округ, Пермский, Алтайский, Приморский края, Республика Якутия, Татарстан и др.

Были участники из зарубежных стран: Узбекистан, Таджикистан, Испания, Швейцария, Германия, Великобритания, Италия, Франция, Канада, Казахстан, Турция, Польша, США.

Известная певица Зилия Бахтиева писала диктант в прямом эфире Башкирского спутникового телевидения. “Писать диктант в прямом эфире очень интересно и ответственно. Содержание текста заятавляет задуматься, замедляться. Я много лет работаю на сцене и грамматика башкирского языка уже начала забываться. Но такие мероприятия призывают стать более совершенными во всех смыслах ”.

Каждому участнику диктанта-2022 будут направлены электронные сертификаты. Они в течение месяца направляются на электронную почту либо через телеграм-бот.

БАРЫҒЫҘҒА ЛА РӘХМӘТЕБЕҘҘЕ БЕЛДЕРӘБЕҘ!

Башҡорт теленән халыҡ-ара онлайн диктантта ҡатнашҡан һәр кешегә оло рәхмәтебеҙҙе белдерәбеҙ! Һөҙөмтәләр биреү әле иртә, сөнки эштәрҙе 24 апрель 23:59 сәғ. тиклем ҡабул итәбеҙ. Бөтә Башҡортостан буйлап 1500 яҡын офлайн-майҙансыҡ эшләп килде.

Барлыҡ һандар менән тиҙҙән таныштырырбыҙ, әлеге ваҡытта ойоштороусылар мәғлүмәт йыйыу менән мәшғүл. Фотоһүрәттәрегеҙҙе #БашДиктант2022#башҡорттелендәдиктант хештегтары менән һалыуығыҙҙы дауам итегеҙ!

Тура эфирҙа яҙып өлгөрә алмағандар өсөн диктанттың рәсми сайтында https://bashdictant.ru/ һәм ойоштороусыларҙың социаль селтәрҙәрҙәге сәхифәләрендә (https://vk.com/bash_fond) эфирҙың видеояҙмаһын ҡарап яҙырға мөмкин.

Акцияның рәсми һөҙөмтәләре 30 көн арауығында https://bashdictant.ru/ сайтында баҫтырылып сығасаҡ.

Хештег буйынса фотоһүрәттәр ошо көндәреальбомға һалынып барасаҡ: https://vk.com/album-182678571_284134327

#БашДиктант2022#диктантпобашкирскомуязыку#башҡорттелендәдиктант#БашФонд#Башкортостан#РодныеЯзыки#Башҡорттар

Башҡорт теленән халыҡ-ара диктант диктаторҙары һәм оффлайн майҙансыҡтары

Быға тиклем хәбәр итеүебеҙсә, 23 апрелдә иртәнге сәғәт 11-ҙә (Өфө ваҡыты буйынса) «Башҡортостан юлдаш телевидениеһы» телеканалында, «Бәйләнештә» социаль селтәрендә һәм телеграм каналында диктант тексын тура эфирҙа уҡый башлайҙар.
— сәғәт 11-ҙән 11:25 сәғәткә тиклем — башҡорт телен яңы өйрәнә башлаған ҡатнашыусылар өсөн;
— 11:30 сәғ. алып 12:00 сәғ. тиклем — башҡорт телендә иркен аралашҡан ҡатнашыусылар өсөн;
— 12.05 сәғәттән 12.30 сәғәткә тиклем — башҡорт теленең төньяҡ-көнбайыш диалектында яҙған ҡатнашыусылар өсөн.

Төп оффлайн майҙансыҡтар Башҡорт дәүләт университетында, М.Аҡмулла исемендәге Башҡорт дәүләт педагогия университетында, Башҡортостан Республикаһының Мәғарифты үҫтереү институтында һәм Башҡортостан Республикаһының Милли музейында ойошторолған. Өҫтәмә оффлайн майҙансыҡтар исемлеген https://bashdictant.ru/ сайтында ҡарарға мөмкин. Шулай уҡ, сайтта үҙеңдең оффлайн майҙансығыңды теркәү мөмкинлеге барлыҡҡа килде. Теркәлгәндән һуң, улар «Бөтә майҙансыҡтар» бүлегендә сағылыш табасаҡ.

Акцияның диктаторҙары итеп йыл һайын йәмәғәт фекере алдынғылары тәғәйенләнә. Быйыл да был матур йола ситтә ҡалманы.

Мирас Рәшит улы Ишдәүләтов, «Башҡорт теле һәм әҙәбиәте йыл уҡытыусыһы» төбәк-ара конкурсында еңеүсе — башҡорт телен яңы өйрәнә башлаған ҡатнашыусылар өсөн.
Урал Таһир улы Килсенбаев, Башҡортостан Башлығы Хакимиәте етәксеһенең эске сәйәсәт буйынса беренсе урынбаҫары — башҡорт телендә иркен аралашҡан ҡатнашыусылар өсөн.
Гүзәл Рәсим ҡыҙы Нурыева, М.Гәрәев исемендәге башҡорт тарихи-мәҙәни үҙегенең баш белгесе — башҡорт теленең төньяҡ-көнбайыш диалектында яҙған ҡатнашыусылар өсөн.

Башҡорт теленән халыҡ-ара диктантта ҡатнашыусыларҙы акциянан фотоһүрәттәрҙе социаль селтәргә һалырға һәм #БашДиктант2022#башҡорттелендәдиктант хештегтарын ҡуйырға саҡырабыҙ.

#БашДиктант2022#диктантпобашкирскомуязыку#башҡорттелендәдиктант#БашФонд#Башкортостан#РодныеЯзыки#Башҡорттар

Милли кейем көнө менән!

Бөгөн, 15 апрель, сәғәт 15:00-тә Йәшлек-хауста «Уфтанма» башҡорт ижади лабораторияһының Милли кейем көнөнә арналған сараһы үтте. Был байрамды республикала 2020 йылдан алып үткәрәләр, ул йылына ике тапҡыр — апрелдә һәм сентябрҙә уҙғарыла.

Сараға баш ҡаланың төрлө университеттарынан төрлө милләт вәкилдәре йыйылды. Байрамды М.Аҡмулла исемендәге Башҡорт дәүләт педагогия университеты студенты Нурзилә Күлгәрина асты. Ул ҡунаҡтарҙы башҡорт ерендә сәләмләп башҡорт бейеүен башҡарҙы. Өфө дәүләт авиация техник университеты студенты Очилова Мөслимә тажик телендәге шиғырҙарын һөйләне. Үзбәкстан вәкиле Усманов Мөхәмәтҡадир ҙа туған телдәге шиғырҙар менән сығыш яһаны. Һиндостан вәкиле Неха Сагар милли бейеү бейене.
Сарала шулай уҡ төрлө телдәрҙә йырҙар яңғыраны: Шивани Кумари һәм Шивам дуэты, Һиндостан вәкилдәре, хинди телендә йырланы, Бангладеш ҡунағы Рахман Нафис бенгаль телендә йыр башҡарҙы. Башҡорт дәүләт университетының Башҡорт филологияһы, шәрҡиәт һәм журналистика факультеты магистранты Бердиморатова Молдир ҡаҙаҡ телендә йырланы.
Көньяҡ Һиндостандан Йуватедж Доддегхата Рамеговда каннаданың дравид телендә йырланы. Мысырҙан Садек Такла скрипкала халыҡ көйҙәрен уйнап ишеттерҙе. Сара ҡунаҡтары араһында Тау-Алтай дәүләт университеты студенттары булды.

Милләт-ара байрамдың рәсми өлөшө тамамланғас, сараның тамашасылары һәм ҡунаҡтары үҙ-ара аралаша һәм бер-береһенең милли кейемдәре менән яҡынданыраҡ таныша алды.

Фото Айбулат Аҡбутин: https://vk.com/album-182678571_284003891

#БашФонд#Башкортостан#РодныеЯзыки#Башҡорттар

БАШҠОРТ ТЕЛЕНӘН ХАЛЫҠ-АРА ДИКТАНТ — 2022

БАШҠОРТ ТЕЛЕНӘН ХАЛЫҠ-АРА ДИКТАНТ — 2022

Башҡортостан Республикаһы Мәғариф һәм фән министрлығы Башҡорт телен һаҡлау һәм үҫтереү буйынса автономиялы коммерцияға ҡарамаған ойошмаһы, Башҡортостан Республикаһы Мәҙәниәт министрлығы, «Бөтә донъя башҡорттары ҡоролтайы (конгресы)» йәмәғәт берекмәләренең халыҡ-ара союзы менән берлектә 23 апрель “Башҡорт теленән халыҡ-ара диктант – 2022” акцияһын үткәрәсәк.

Башҡорт теленән халыҡ-ара диктант онлайн һәм оффлайн форматта уҙғарыла. Акцияла ҡатнашырға теләүселәр өсөн Башҡорт дәүләт университетында, М.Аҡмулла исемендәге Башҡорт дәүләт педагогия университетында, Башҡортостан Республикаһының Мәғарифты үҫтереү институтында һәм Башҡортостандың Милли музейында майҙансыҡтар ойошторола. Өҫтәмә оффлайн майҙансыҡтар исемлеге менән https://bashdictant.ru/ сайтында танышырға мөмкин.

2022 йылдың 23 апрель көнө 11:00 сәғ. (Өфө ваҡыты) тура эфирҙа «Башҡортостан юлдаш телевидениеһы» телеканалында, «Бәйләнештә» социаль селтәрендә, телеграм-каналда диктаторҙар диктант тексын тура эфирҙа уҡый башлай:
сәғәт 11:00-ҙән сәғәт 11:25-кә тиклем – башҡорт телен башланғыс кимәлдә белеүселәр өсөн;
сәғәт 11:30-ҙан сәғәт 12:00-кә тиклем – башҡорт телендә иркен аралашыусылар өсөн;
сәғәт 12.05-нән сәғәт 12.30-гә тиклем – башҡорт теленең төньяҡ-көнбайыш диалектында яҙыусылар өсөн.

Һәр ҡатнашыусының диктантты өйҙә үҙ аллы яҙыу мөмкинлеге бар. Тамамланғас, диктант яҙылған ҡағыҙҙы фотоға төшөрөп, электрон почтаға bashdictant2022@mail.ru йәки телеграмма-ботҡа https://t.me/bash_dictant_bot 2022 йылдың 24 апреленә 23:59 сәғәткә тиклем ебәрергә кәрәк.
Шул уҡ ваҡытта диктантты 2022 йылдың 24 апрель 23:59 сәғ. тиклем https://bashdictant.ru/ рәсми сайтында һәм ойоштороусыларҙың социаль селтәрҙәрҙәге сәхифәләрендә ( https://vk.com/bash_tv , https://vk.com/bash_fond ) эфирҙың видеояҙмаһын ҡарап яҙырға мөмкин.

Диктант темаһы һәм тексы ойоштороусылар тарафынан билдәләнә.
Диктант тексы ғалим-филологтар, башҡорт теле һәм әҙәбиәте уҡытыусылары ярҙамы менән 3 вариантта әҙерләнәсәк: башҡорт телен башланғыс кимәлдә белеүселәр өсөн, башҡорт телендә иркен аралашыусылар һәм башҡорт теленең төньяҡ-көнбайыш диалектында яҙыусылар өсөн.

Диктантта ҡатнашыусыларға сертификаттар электрон почтаға йә телеграм-боттан ебәреләсәк.

Акция ҡатнашыусыһы булып енесенә, расаһына, милләтенә, теленә, сығышына, матди һәм вазифа хәленә, йәшәгән урынына, дингә мөнәсәбәтенә, инаныуҙарына, йәмәғәт берекмәләренә инеү-инмәүенә, шулай уҡ башҡа хәлдәргә ҡарамаҫтан һәр кеше ҡатнаша ала.
Акцияның рәсми һөҙөмтәләре 30 көн арауығында https://bashdictant.ru/ сайтында баҫтырылып сығасаҡ.

#БашДиктант2022#диктантпобашкирскомуязыку#башҡорттелендәдиктант#БашФонд#Башкортостан#РодныеЯзыки#Башҡорттар

УФТАНМА: Милли кейем көнө

УФТАНМА: Милли кейем көнө

Дуҫтар! Ҙур кинәнес менән «УФТАНМА» башҡорт ижадханаһының сираттағы сараһына саҡырабыҙ!
15 апрель Башҡортостанда милли кейем көнө уҙғарыла. Ошо матур байрам айҡанлы «УФТАНМА» ижадханаһында төрлө милләт вәкилдәре ҡатнашлығында матур кисә үткәрәбеҙ!

 Тамашаға килергә теләүселәрҙе алдан теркәлеү үтергә һорайбыҙ: https://forms.gle/C9ZSVSTbEitdqXXUA

 Сара 15 апрель 15:00 сәғәттә Пушкин урамы, 86-сы йорт адресы буйынса үтә. Барығыҙға ла милли кейем элементтары булған кейемдә килергә тәҡдим итәбеҙ!

#БашФонд#Башкортостан#Уфтанма#нмт#молодежка

21 февраль — Халыҡ-ара туған телдәр көнө

21 февраль — Халыҡ-ара туған телдәр көнө
Ғаилә һүҙе төрлө телдәрҙә.

#БашФонд#Башкортостан#РодныеЯзыки#БашҡортТеле

«Теле барҙың – иле бар» төбәк-ара шиғыр яҙыусылар конкурсы

«Теле барҙың – иле бар» төбәк-ара шиғыр яҙыусылар конкурсы еңеүселәре:

I урын — Йосопова Фәузиә, Ейәнсура районы:

Тыуған телем
Башҡорт теле! Тыуған телем!
Йәйғор төҫлө нурлы,ҡатлы!
Күңел түрендәге һәр бер һүҙең,
Наҙлы ғына, һутлы татлы!
Ишетәмен һәр өнөңдә,
Күгәрсендәр гөрөлдәүен,
Моңло ҡурай, салғы сыңын
Тоямын мин йөрәгемдә.
Тыуған телем – әсәм теле
Барҙыр кеүек тылсым көсөң.
Туңған йәнде иретерлек
Һәр бер өнөң, дауа төҫлө!
Тыуған телем! Белеп үҫтем
Тамырҙарыңдың ныҡлығын.
Шаулап үҫер имән кеүек,
Ҡәҙер итер килер быуын!

II урын — Баймурзина Әлфиә, Хәйбулла районы:

ТУҒАН ТЕЛЕМ – БАШҠОРТ ТЕЛЕ

Туған телем – башҡорт теле
Ата-әсәм бүләге.
Хазиналар араһында
Һин бит иң-иң кәрәге.

Туған телемдә әсәйем
Бишек йырын йырлаған.
Халҡымдың гәлсәр шишмәләй
Моңона ул сорнаған.

Ғөрөф-ғәҙәт, йолаларҙы
Туған телем өйрәтә.
Нәҫел ебе, туғанлыҡты,
Барлау юлын күрһәтә.

Һәр тарафтан иҫкән елдәр
Ҡағылмаһын телемә.
Йәшәү өсөн телем кәрәк
Киләсәк милләтемә.

Туған телем – башҡорт теле
Ҡоромаҫ шишмә булһын!
Халҡыбыҙҙың бай тарихы
Туған телдә яҙылһын!

II урын — Әминова Гөлсәсәк, Нижневартовск ҡалаһы:

Балам тыуҙы.
Аҡ биләүгә төрөп
Аҡҡынанан бәхет юраным.
Килешлеһе кәрәк тигән булып,
Күҙ талдырып исем һайланым.
Көлмәһендәр, боҙоп әйтмәһендәр,
Ҡолаҡҡа ла булһын ятышлы.
Бының өсөн сит тел исемдәре
Бигерәк икән, тием, отошло.
Тәпәй китте балам. Тел генәһе
Әй, тәтелдәй, булмай туҡтатып.
Тел һайларға сират еткән дәһә,
Юл сатында ҡалдым туҡталып.
Киң офоҡтар кәрәк сабыйыма
Ул яуларға тейеш күп үрҙәр,
Туған теле уға артыҡ бер йөк,
Ауыл түгел, көтә бит сит ерҙәр.
Һуңғы телемемде бирһәм бирәм,
Мәхрүм итмәм, балам, бер ниҙән…
…әсәй имеш, аңлап етмәгәнмен
Айырыуым тамырыңдан, тыуған ерҙән.
Елдәр ҡыуған ҡамғаҡ кеүек хәҙер
Сит ерҙәрҙә ейә ризығын.
Бер йылы һүҙ көтә ғәзиз әсә,
Аңлай алмай улы ҡылығын.
Телдән мәхрүм бала – етем бала,
Уның бит юҡ моңо, юҡ көйө.
Күңелендә бушлыҡ. Юҡ шул, юҡ
Тел нигеҙе булған рух – өйө.

Балам тыуҙы.
Аҡ биләүгә төрөп
Аҡҡынанан бәхет юраным.
Салауатым тоҡомонан тиеп
Телле, түлле ғүмер һораным.
Амин!

III урын — Бикәнәсова Минира, Ауырғазы районы:

Туған тел

Рәхмәтлемен атай-әсәйемә
Өйрәткәнгә туған телемде.
Әлифбамдың битен аса-аса
Башлап алдым тәүге ғилемде.
Әсәм теле хыял-уйҙарымда,
Йырҙарымда минең, аңымда.
Уның аша күскән холоҡ-фиғел:
Башҡортлоғом аға ҡанымда!
Балаларым тыуҙы башҡорт булып,
Милләт рухым күсте уларға.
Телем йәшәй, тимәк, ерем дә бар,
Һауам да бар әле һуларға.
Мәңге йәшә, йәшнә тыуған телем!
Үлемһеҙ бул – ошо теләгем!
Саф башҡортса өләсәй тип, ана,
Йүгереп йөрөй янда ейәнем…

III урын — Ғәбитова Айзилә , Өфө ҡалаһы:

Балҡып тора күңелем

Башҡорт телем – үҙ телем,
Үҙ тупрағым, үҙ илем.
Үҙ телемдә ҡабатлайым
Иң ҡәҙерле тәү һүҙем.

Атай, әсәй, ерем, һыуым –
Әйтеп үҫкән һәр быуын.
Сит ерҙәргә киткәндә лә
Йырлармын башҡорт йырын.

Телеңде онот, тимәгеҙ,
Юҡ, онотмам үҙ телем!
Саф башҡортса һөйләшкәнгә
Балҡып тора күңелем!

III урын — Исламғәлиева Рәмзилә, Саҡмағош районы:

Башҡорт теле – минең туған телем!
Иң изге һәм нәфис тел бит ул!
Салауат һәм Аҡмулла һөйләшкән
Йырлы-моңло башҡорт теле шул.

Халҡым уны нисә быуын һаҡлап,
Изге мираҫ итеп үҫтергән.
Үҙ телкәйен өйрәтеүҙе балаға
“Минең бурыс,” – тип әсәләр күсергән.

Әсә бурысы ул – телде һаҡлау,
Бөгөнгө көндөң иң ҙур талабы.
Һәр бала ла телен яҡшы белһә,
Әсәйҙәргә булыр сауабы.

Ысын Әсә һәр саҡ телен яҡлар,
Иле киләсәген ҡайғыртыр.
Битараф ҡалмайынса телкәйенә,
Балаһына туған телен уҡытыр.

Мин ошондай изге кескәйҙәрҙе
Бар күңелем биреп уҡытам.
Туған башҡорт теленә өйрәтеп,
Киләсәккә нурҙар балҡытам.

Сәскәнән бал йыйған ҡорттай улар
Бик тырышып белем алалар.
Илем ышанысын аҡлар өсөн
Өмөтлө аҡ юлдар яралар.

Ныҡлы тура аҙымдар яһайбыҙ беҙ
Ҡарҙай ап-аҡ юлдар эҙенән.
Туған телен өйрәнгән һәр бер бала
Һис тә айырылмаҫ үҙенән.

Туған телем – моңло, наҙлы телем!
Мәңге балҡып йәшә донъяла!
Һин булғанда илем, халҡым йәшәй,
Киләсәккә төплө юл ала.

Бүләктәрҙе 21 мартҡа тиклем Цюрупы 17 йорт, 6 этаж, 3 кабинеттан килеп алығыҙ. Алдан +73472465824 телефон һандары буйынса шылтыратып, иҫкәртеүегеҙ һорала.

#БашФонд#Башкортостан#РодныеЯзыки#БашҡортТеле